Oktyabrın 1-də Beynəlxalq Ahıllar Günü qeyd olunur. Bu günün keçirilməsində məqsəd yaşlı insanların xüsusi yanaşmaya ehtiyacı olduğu üçün onlara qayğı göstərməyin zəruriliyini cəmiyyətə xatırlatmaqdır.

Aztibb.az xəbər verir ki,“InoSMI”portalının verdiyi məlumata görə, bu bir çox ölkələrdə heriatriya xidməti tərəfindən təmin edilir.

Uzunömürlülükdən danışarkən bir çox mütəxəssislər insanın 120 ildən çox yaşamalı olduğuna inanan akademik Vladimir Xavinsonun dediyi ilə razılaşırlar.

Çünki gözlənilən ömür genetika və insanın yaşamaq istəyinə əsaslanır. İnsan ömrü 25 faiz irsi, 75 faiz isə qazanılmış faktorlardan asılıdır.

Uzunömürlülük insanın sağlamlığına şüurlu münasibəti və idrak fəaliyyətinin saxlanması ilə əldə edilir. Heç kimə sirr deyil ki, gözlənilən ömür uzunluğunun artmasına müntəzəm fiziki məşqlər, düzgün qidalanma, pis vərdişlərin olmaması və daimi öz-özünə təhsil təsir göstərir.