Ortoped Özgür Karaman yeni doğulan körpələrdə və uşaqlarda doğuş zamanı və ya sonrasında görülə bilən ortopedik xəstəliklər haqqında məlumat verib.

Aztibb.az “TRT Haber”ə istinadən xəbər verir ki, həkimin sözlərinə görə, yenidoğulmuşlarda və uşaqlarda doğuş zamanı və ya sonrasında bir çox ortopedik xəstəliklərə rast gəlinə bilər. Özgür Karaman bu xəstəliklərlə bağlı aşağıdakı məlumatları verib:

İnkişaf edən omba displaziyası

Bu doğuşdan dərhal sonra diaqnoz qoyula bilən xəstəlikdir. Qızlarda daha çox rast gəlinir. Körpə böyüdükcə, sümük toxumalarında patoloji səbəbdən oynaqda tam dislokasiyalar meydana gəlir. 0-6 aylıq uşaqlarda erkən dövrdə konservativ müalicə (Pavlik sarğı), gec dövrdə isə 6-18 aylıq uşaqlarda cərrahi üsullar tətbiq edilir.

Legg-Calve-Perthes xəstəliyi

Bu xəstəlik omba oynağının uyğunlaşmamasıdır. Ən çox 2-12 yaş arasında (4-9 yaş qrupunda, daha çox kişilərdə rast gəlinən) topallıqla müşahidə olunan xəstəlikdir. Omba nahiyəsində 7 gündən çox davam edən ağrı və qızdırmasız topallıq Perthes xəstəliyinə işarədir.