TÜRKOVAC-ın istehsalçısı Eris üçün hazırdır
30.09.2023 12:52

Dünya COVID-19-un yeni variantı Eris ilə yenidən pandemiya günlərinə qayıtmaqdan qorxur. TÜRKOVAC ilə dünyada peyvənd istehsal edən 9 ölkədən biri olan Türkiyə yeni peyvəndin istehsalına başlaya bilər.


Aztibb.az Türkiyə mediasına istinadən xəbər verir ki, ölkə Eris başda olmaqla yeni COVID-19 variantları üçün istehsala hazırdır.


Dünya sürətlə yayılan COVID-19-un yeni variantı olan Eris ilə yenidən pandemiya günlərinə qayıtmaqdan qorxur.


Eris variantından qorunmaq üçün mütəxəssislər şəxsi gigiyena, toxunulmazlığı gücləndirən qidalanma və məsafə ilə yanaşı müəyyən dozalarda peyvənd olunmağı tövsiyə edirlər.


Hazırda 50-dən çox ölkədə COVID-19 hadisələri epidemiya səviyyəsinə yüksəlib. Şimal yarımkürəsindəki halların beşdə birindən çoxu Eris variantıdır. Variantlara qarşı peyvəndlər hazırlanıb və bir çox inkişaf etmiş ölkələrdə, xüsusən də Amerikada icazələr alınıb.


TURKOVAC peyvəndinin kütləvi istehsalını müvəffəqiyyətlə öz üzərinə götürən Dollvet Biotechnology şirkətinin baş direktoru Hüseyn Zengin, "Dövlətimiz tapşırıq verərsə, indiki Eris variantı və gələcək bütün COVID variantları üçün çox sürətlə peyvənd istehsal edib millətimizin xidmətinə verməyə hazırıq" deyib.

Səadət Abdullayeva
Müəllifin digər yazıları
ÇOX OXUNANLAR