Tekirdağ Namik Kamal Universitetinin (NKÜ) professoru Qamze Varol bildirib ki, yeni variantlarda koronavirusun ilk ortaya çıxdığı dövrdə olduğu kimi ağır xəstəlik gözlənilmir.

Aztibb.az “Haberturk” saytına istinadən xəbər verir ki, alimin sözlərinə görə, pandemiyanın ilkin mərhələlərində olduğu kimi yüksək risk gözləmirik, amma yenə də hazır olmalıyıq: “Hələ maska, məsafə və gigiyena qaydalarına diqqət etmək lazımdır”.

Yeni variantların Ümumdünya Səhiyyə Təşkilatının monitorinq kateqoriyasından müşahidə kateqoriyasına aldığını bildirən Gamze Varol, məlumatların bütün dünya ölkələrindən toplandığını və getdikcə daha çox ölkədə geniş şəkildə görünməyə başladığını söyləyib:

"Biz Covid-19 və ona bağlı variasiyalardan xəstəlik yaranandan bəri danışırıq. Çünki virus öz daxilində mutasiyaya uğrayır və çox fərqli simptomlar göstərməsə də, başqa mutasiyalarla birlikdə xəstəliyə səbəb olur.

Ümumdünya Səhiyyə Təşkilatının məlumatlarında da bildirildiyi kimi, COVID-in ilk ortaya çıxdığı zamanki kimi ağır bir xəstəlik gözlənilmir. Çünki insanlar artıq peyvənd olunublar və hansısa şəkildə COVID-i keçiriblər, ona görə də bu variantın təsirinin şiddətli olacağı düşünülmür.