Open AI şirkətinin prezidenti Qreq Brokman bildirib ki, süni intellektin inkişafı elə bir mərhələyə çatıb ki, bəşəriyyət 2030-cu ilə qədər onunla birləşə bilər.

Aztibb.az xəbər verir ki, fedpress.ru saytının məlumatına görə, Qreq Brokmanın fikrincə, yaxın illərdə biz neyron şəbəkələrin inkişafında inqilabi sıçrayış yaşayacağıq.

Bu gün süni intellekt çox şey edə bilər. Həkimlərə diaqnoz qoymağa, alimlərə isə kəşflər etməyə kömək edir. Düşüncələri oxuyur, duyğuları tanıyır.

Süni intellekt 2029-cu ilə qədər insanlarla müqayisə oluna biləcək zehni qabiliyyətlərə nail olmaq iqtidarındadır.

Amerikalı mühəndis və futuroloq Rey Kurzveyl kimi bir sıra digər mütəfəkkirlər tarixləri bir qədər dəyişdiriblər: onun “kiborqların” görünməsi ilə bağlı proqnozlarının 2045-ci ildə reallaşacağı gözlənilir.

Bir sıra futuroloqlar, elm adamları və ictimai xadimlər neyron şəbəkələrin insanlar üçün təhlükəyə çevrilə biləcəyindən narahat olduqlarını bildiriblər.

Bu fikri İlon Mask və Apple şirkətinin həmtəsisçisi Stiv Voznyak və Maşın İntellektinin Tədqiqatları İnstitutunun həmtəsisçisi Eliezer Yudkovski ifadə ediblər.

Hər halda, süni intellektə nəzarət məsələləri xüsusilə aktuallaşır.