Yaşın irəliləməsi ilə kişilərdə testesteron hormonun qanda azalması nəticəsində andropoz hal yaşanır. Buna yaşlanan adam sindromu da deyilir.

Aztibb.az xəbər verir ki, bu barədə “Gazeta” portalına müsahibəsində mama-ginekoloq Nina Antipova danışıb.

50-55 yaşdan sonra kişilər də qadınlar kimi menopoz, daha doğrusu andropoz yaşayırlar. Andropoz zamanı kişilərdə qadınlarda yaşanan menopoza uyğun bəzi əlamətlər rastlanır.

Həkim qeyd edib ki, kişilərdə bu dövrdə əhval dəyişikliyi və yuxu problemləri daha çox ortaya çıxır, libido da azalır və əlavə çəkinin aktiv şəkildə artması baş verir.

Qeyd edib ki, güclü cinsin nümayəndələrində belə dəyişikliklər geri dönməz hormonal proseslərdən daha çox həyat tərzi və ümumi rifahla əlaqələndirilir.

Həkim əlavə edib ki, 35 yaşdan sonra kişilərdə testosteron səviyyəsi ildə cəmi bir faiz azalır.