Pakistanın Dou Sağlamlıq Elmləri Universitetinin alimləri müəyyən ediblər ki, yuxusuzluqdan əziyyət çəkən xəstələrdə ürək-damar xəstəliklərinə tutulma riski var.

Aztibb.az “NewsMedical”a istinadən xəbər verir ki, yuxu pozğunluğu olan insanların infarkt səbəbiylə ölmə ehtimalı da yüksək ola bilər.

Yuxusuzluq gün ərzində tez-tez disfunksiya ilə müşayiət olunan zəif yuxu ilə xarakterizə olunan bir xəstəlik hesab olunur. Bu, dünyada ən çox görülən ikinci psixi pozğunluqdur. Yuxusuzluğun xoşagəlməz nəticələri arasında diabet, hipertoniya və metabolik pozğunluqlar var.

Alimlər yuxusuzluğun ürək və qan damarlarının sağlamlığına təsirindən bəhs edən bir sıra elmi məqalələrin nəticələrinin araşdırıblar. Bu tibbi nəşrlərə yer alan məqalələrdə 388 906 yuxusuzluq və 2 194 211 sağlam insanın məlumatları tədqiqata cəlb olunub.

Tədqiqatçılar yuxusuzluq əlamətləri olan insanların sağlam insanlarla müqayisədə infarkt (48%) və ürək-damar xəstəlikləri (14%) riskinin daha yüksək olduğunu təxmin ediblər.

Bundan əlavə, müəyyən olunub ki, yuxu pozğunluğu olan insanlar tez-tez ürək və damar xəstəliklərindən əziyyət çəkir və bu səbəblərdən vaxtından əvvəl ölürlər.