Xirosima Universitetinin tədqiqatçıları gecə işləyən insanların özlərini gecə növbəsinin fəsadlarından necə qoruya biləcəklərini öyrəniblər.
Aztibb.az pravda.ru-ya istinadən xəbər verir ki, alimlər yuxu üçün ən yaxşı vaxt olan saat 05:00-06:00 arasında insanlara yarım saatlıq yuxu verməyi təklif ediblər. Bu, belə bir iş qrafikinin bədənə vurduğu zərəri minimuma endirəcək.
Alimlər xatırladıblar ki, gecə vaxtı orqanizmin bioloji ritmləri pozulur. Ancaq müəyyən bir rejimə əməl etsəniz, riskləri minimuma endirmək olar.
Məlumatları təsdiqləmək üçün tədqiqatçılar eksperiment keçiriblər. Onlar müxtəlif yaş kateqoriyalarından olan tibb bacılarını iki qrupa bölüblər və müəyyən ediblər ki, gecə yarısına qədər saat yarım, saat 04:00-dan 09:00-a qədər isə yarım saat yatmaq imkanı olanlar özlərini daha yaxşı hiss ediblər.
Daha sonra subyektlərdən üç yuxu fasiləsi vermələri istənilib: gecə yarısından əvvəl, 04:00 və 05:00 ilə 06:00 arasında. Bu, könüllülərə sağlamlıqlarına xələl gətirmədən saat 8:00-a qədər özlərini enerjili hiss etmələrinə şərait yaradıb. Beləliklə, sabit performans üçün 90 dəqiqəlik yuxu lazımdır, yarım saatlıq yuxu isə yorğunluğu aradan qaldırır.