Azərbaycanda infodemiyaya qarşı mübarizəni dəstəkləmək məqsədilə Avropa İttifaqı və Ümumdünya Səhiyyə Təşkilatının birgə təlimində bir sıra xəstəliklərin qarşısının alınmasında peyvəndin əhəmiyyəti mövzularında səhiyyə mütəxəssisləri təqdimatlar ediblər.

Aztibb.az xəbər verir ki, mütəxəssislərin bildirdiyinə görə, peyvəndlər sayəsində biz təhlükəli və potensial ölümcül xəstəliklərdən qorunuruq.

Peyvəndlər immunitet sisteminə xəstəliyə səbəb olmadan peyvənd edilmiş mikroblara qarşı qoruyucu reaksiya yaratmağa imkan verir.

Hər hansı bir mikrob orqanizmə daxil olduqda, immun sistemi həmin mikrobla mübarizə aparır və ona qarşı immunitet yaranır. Buna "immun cavab" deyilir.

Peyvəndlərə qarşı immun reaksiya iki hissədən ibarətdir

- Peyvəndlər mikrobun immun sisteminin tanıyacağı və reaksiya verəcəyi "antigen" adlanan hissələrini ehtiva edir. Peyvənddən sonra bədənimizdə bu antigenlərə qarşı antikor istehsal olunur. Peyvəndlər antikor istehsal etmək üçün immunitet sistemini stimullaşdırır.

Hər bir antikor müəyyən bir xəstəliyi hədəfləyir. Məsələn, suçiçəyi antikorları suçiçəyi virusunu hədəf alır. Su çiçəyi virusu orqanizmə daxil olarsa, peyvənd sayəsində suçiçəyi xəstəliyinə qarşı əvvəllər əmələ gələn antikorlar virusu xəstəlik törətməzdən əvvəl zərərsizləşdirir.

- Peyvəndlər sayəsində immunitet sistemi də həmin mikroba qarşı yaddaş inkişaf etdirir.

Peyvənddən sonra yaranan anticisimlər zamanla azalsa belə, immun sistemi mikrobun orqanizmə yenidən daxil olduğu zaman, peyvənd olunmayanlara nisbətən daha sürətli və bol antikor istehsal etdiyini xatırlayacaqdır.