Aparılan araşdırma zamanı qadınlara verilən “niyə menstruasiya dövründə şokolad və çips kimi qidalar yeyirsiniz?” sualına cavab doğru səbəb kimi təsdiqlədi.
Aztibb.az “Nature Metabolism” jurnalında dərc edilən araşdırmaya diqqət çəkib.
Almaniyanın Tuebingen Universitetinin tədqiqatçıları müəyyən ediblər ki, qadınların beynində ayın müəyyən vaxtında zəzərli yemək həvəsinə təsir edə biləcək bir dəyişiklik olur.
Tədqiqatçılar aşkar ediblər ki, qadının menstruasiyadan əvvəl, yumurtlamadan sonra beynin hipotalamus bölgəsi insulin hormonuna daha az reaksiya verir.
Bir çox insan mədəaltı vəzinin istehsal etdiyi insulinin şəkərli diabetlə əlaqəli olduğunu bilir, çünki qan şəkərini tənzimləyir. Lakin məlum olur ki, insulin beynə çatdıqdan sonra qadınlar zərərli qəlyanaltılara daha çox meyil edə bilərlər.
Qadın iştirakçıların beyinləri skan edildi
Buna görə də, qadınlarda menstruasiya əvvəli dövrdə insulinin beyində çox yaxşı işləməməsi ilə bağlı yeni tapıntı qadınların bu dövrdə iştahının artması və zərərli şeylər yemək istəyini izah etməyə kömək edə bilər.
MRT aparatında 15 qadın iştirakçının beyninin skan edilməsi nəticəsində əldə edilən nəticələr adı çəkilən jurnalında dərc olunub.
Bu araşdırma, insulinin menstrual dövrünün müəyyən bir nöqtəsində qadınlara daha az təsir göstərdiyinə dair ilk sübutdur.