Nyu-Yorkun Simons Kəmiyyət Biologiya Mərkəzinin tədqiqatçıları yarasaların xərçəngə qarşı immuniteti qorumaq qabiliyyətinə malik olduğunu aşkar ediblər.

Aztibb.az bu barədə “Genome Biology and Evolution” elmi jurnalına istinadən xəbər verir.

Yarasalar həm uçmaq qabiliyyətinə, həm də uzunömürlülüyünə, xərçəng xəstəliyinə az rast gəlinməsinə və güclü immun sisteminə görə məməlilər arasında unikal növdür. Demək olar ki, bütün viral xəstəliklər yarasalardan yan keçir.

Bioloqlar Yamayka yarasasının və bığlı yarasanın genomlarını digər heyvanların və onların qohumlarının genləri ilə müqayisə ediblər.

Məlum olub ki, yarasalar DNT təmiri ilə əlaqəli altı zülalın genetik uyğunlaşmasına malikdir. Eyni nümunə xərçənglə əlaqəli və şiş inkişafının qarşısını alan 46 zülalda müşahidə olunub.

Öyrənilib ki, yarasalarda xərçəng əleyhinə zülallar digər məməlilərə nisbətən iki dəfə çoxdur. Tapıntılar insanlarda daha effektiv xərçəng müalicəsinin əsasını qoyacaq.