İsveçrə Qidalanma və Sağlamlıq Fondunun alimləri müəyyən ediblər ki, D vitamini ilə ürək-damar xəstəlikləri riskinin azalması arasındas heç bir inandırıcı dəlil yoxdur.

Aztibb.az xəbər verir ki, müvafiq hesabat "Nutrients" jurnalında dərc olunub.

Fərziyyəni təsdiqləmək üçün 35-75 yaş arası 5684 sağlam insanı əhatə edən bir araşdırma aparılıb. İştirakçılar anketləri doldurmalı, müxtəlif ölçmələr üçün qan nümunələri verməli və həkimlər tərəfindən müayinə olunmalı idilər. İlk məlumatlar 2003-cü ildə toplanıb, sonuncu mərhələ isə 2021-ci ildə başa çatıb.

İştirakçıların üçdə biri kifayət qədər D vitamini almayıb, yarıdan çoxunda isə yüngül çatışmazlıq müşahidə edilib. Nəticədə yüksək səviyyədə D vitamini ürək-damar xəstəliklərinin inkişaf riskini azaltmayıb və ya xəstənin sağ qalma müddətini artırmayıb. Alimlər D vitamini ilə ürək-damar problemləri arasında əlaqə haqqında ziddiyyətli məlumatlar əldə ediblər.