Rusiyada xəstə kəskin ağrılar və qarında iri kütlə ilə təcili xəstəxananın ginekoloji şöbəsinə çatdırılıb.
Aztibb.az gazeta.ru-ya istinadən xəbər verir ki, həkimlər ultrasəs və MRT-dən istifadə edərək iri kütlənin uşaqlıqda əmələ gəldiyi müəyyən ediblər.
Vəziyyət, kütlənin daxili orqanlara təzyiq göstərməsi, bağırsaq tıxanması səbəb ilə çətinləşib.
“Artan ağrı sindromu və bağırsaq tıxanıqlığını nəzərə alaraq, xəstəni dərhal əməliyyat etmək qərarına gəldik. Əməliyyat şişin ölçüsünə uyğun gələn böyük bir kəsiklə aparıldı, çünki əks halda 25 sm diametrli şişi çıxarmaq mümkün olmayacaqdı...”, - deyə xəstəxanasının cərrahiyyə şöbəsinin müdiri Sergey Lisin bildirib.
Həkimlər xatırladır ki, illik sağlamlıq müayinəsindən əlavə, hər hansı bir narahatlıq hiss edirsinizsə, dərhal tibbi yardıma müraciət etməlisiniz. Bu vəziyyətdə, ginekoloqlar təcili olaraq edilən böyük qarın əməliyyatına tələb yaranmamış bu formalaşmanı daha erkən mərhələlərdə aşkar edə bilərdilər.
Əməliyyatdan sonrakı dövr problemsiz keçib və xəstə əməliyyatdan sonrakı beşinci gündə evə buraxılıb.