Tanınmış amerikalı sahibkar, Tesla və SpaceX kimi şirkətlərin qurucusu Elon Musk texnoloji innovasiyalarda həmişə ön sıralarda olub.

Aztibb.az “The Sun” nəşrinə istinadən yazır ki, onun son iddialı layihəsi olan “ağılları oxumağa” qadir süni intellektin yaradılması bir çoxları arasında maraq və həyəcan yaradır.

İ.Maskın sözlərinə görə, yeni süni intellekt beyindəki elektrik siqnallarını oxuya və başa düşülən dilə çevirə biləcək.

Bu, kompüterlərlə ünsiyyət və qarşılıqlı əlaqədə inqilabi potensial hesab edilir. Çünki insanlar yalnız öz düşüncələrindən istifadə edərək məlumat ötürə və cihazları idarə edə biləcəklər.