Yaponiyada aparılan yeni bir araşdırmada alimlər pendirin yeni bir faydasını kəşf etdiklərini açıqlayıblar. Təxminən 2 min insanın iştirak etdiyi araşdırmada, müntəzəm pendir istehlakının beyinə müsbət təsir etdiyi sübut edilib.

Aztibb.az “TRT Haber”ə istinadən xəbər verir ki, yaşı 65-dən yuxarı olan 1500-dən çox insanın iştirak etdiyi araşdırma, müntəzəm olaraq pendir yeyənlərin koqnitiv testlərdə daha yaxşı nəticə əldə etdiyini ortaya çıxarıb. Nəticələr göstərib ki, süd məhsulları istehlak edənlərdə demans riski daha azdır.

Elm adamları, pendirin beyin funksiyalarını gücləndirən bəzi qida maddələri ola biləcəyini, lakin nəticələri təsdiqləmək üçün daha çox araşdırmaya ehtiyac olduğunu bildirib.

İdeal çəki saxlamaq və spirt istehlakında limitləri aşmamaq kimi faktorlar demans riskini azaldan faktorlar arasındadır, lakin yapon mütəxəssislər müntəzəm pendir istehlakının da demans riskini azalda biləcəyini açıqlayıblar.

“Nutrients” jurnalında dərc edilən nəticələr, pəhrizlərinə pendir əlavə edən iştirakçılarda koqnitiv funksiyaların zamanla daha yaxşı olduğunu müəyyən edilib. Bundan əlavə, pendir yeyənlərin bədən kütlə indeksi və qan təzyiqi bir qədər aşağı, yerimə sürəti isə daha yüksək olub.

Osteoporoz kalsium çatışmazlığından yaranır. Xüsusilə azalmış estrogenli menopozlu qadınlar üçün kalsium və protein mənbəyi lazımdır. Pendir osteoporozun qarşısını alan ən məşhur qida mənbəyidir.

Pendir miqren ağrısını aradan qaldırmağa da kömək edir. Kalsium qəbulu miqrenin yaratdığı problemləri azaldır. Kalsium pendirdə boldur.

Pendir tərkibindəki B vitaminləri sayəsində hüceyrə mübadiləsinə və hüceyrələrin yenilənməsinə kömək edir. Tərkibindəki A, C və E vitaminləri sayəsində dəridəki ləkələrin qarşısını alır, həmçinin selülitin qarşısını alır.

Az yağlı pendir yaxşı bir zülal qaynağı olduğundan, səhər yeməyi və naharda yumurta, təzə çiyələk və meyvələrlə birlikdə istehlak edildikdə saçlarınız üçün çox faydalıdır.

Balanslaşdırılmış şəkildə istehlak edildikdə, pendir bədən çəkisini, əzələ çəkisini və sümük sıxlığını dəstəkləyir.