Perunun mədəniyyət naziri Lesli Urteaqa Perunun Naska səhrasından tapılan mumiyaların yadplanetli mənşəli olduğunu təkzib edib. Onun sözlərinə görə, mumiyalar sümük qalıqlarından hazırlanıb. Bundan əlavə, departament aşkar edilmiş qalıqların ölkədən çıxarılması ilə bağlı cinayət işi açıb.
Aztibb.az xəbər verir ki, bununla bağlı “RİA Novosti” yazıb.
Nazir 2015-ci ildə Perunun cənub sahillərində tapıldığı iddia edilən mumiyaların mənşəyinin təhlilinin nəticələrini nəzərdən keçirib və sonra onların yadplanetlilərin qalıqları olmadığını bəyan edib.
Xatırladaq ki, ötən həftə jurnalist və ufoloq Xayme Maussan Meksika Konqresində Peruda tapılmış iki humanoidin ehtimal olunan mumiyalarını təqdim edib. Onun sözlərinə görə, təxminən min il yaşı olan 60 santimetrlik cəsədlər yadplanetlilərə aiddir.
Bu mumiyaların yadplanetli xüsusiyyətlərindən və Meksika Konqresində təqdim olunan DNT analizindən danışan mədəniyyət naziri Peru elmi təşkilatlarının belə açıqlamalar vermədiyini vurğulayıb.
