ABŞ alimlərinin apardığı araşdırmaya görə, yüksək intellekt səviyyəsi təsdiqlənmiş insanlarda çox vaxt səhlənkarlıq və gec yuxuya getmək vərdişi olur.

Aztibb.az “Psychology Today”ə istinadən xəbər verir ki, Minnesota Universitetinin mütəxəssisləri zehni inkişaf səviyyələri ilə davranış nümunələri arasında əlaqə olduğunu aşkar ediblər.

Bununla bağlı tədqiqatın nəticələri göstərib ki, ağıllı insanlar çox vaxt mənzillərini səliqəsiz saxlayırlar. Bundan əlavə, gec yuxunu yüksək intellekt müşayiət edir. Elvis Presli, Uinston Çörçill və Çarlz Darvin kimi bir çox məşhur insanlar “gecə bayquşları” adlanırdı.

Yüksək intellektə malik insanların başqa bir xarakterik xüsusiyyəti söyüş sevgisidir. Bu, mənfi emosiyaları ifadə etmək qabiliyyəti ilə əlaqələndirilir. Üstəlik, ziyalılar zəngin söz ehtiyatına, yüksək ritorika qabiliyyətinə malikdirlər.