Nevral terapiya yerli anestetiklərin sinir nahiyəsinə və yaxud müəyyən strukturlara toxunularaq simpatik sinir sisteminə təsir etmək yolu ilə patoloji reaksiyaların blokadası üçün tətbiq edilən xüsusi texnikadır. Nevral terapiyanın effektivliyi çoxsaylı klinik araşdırmalarla sübut edilmiş, təsir mexanizmi isə müasir elm ilə izah edilmişdir. Nevral terapiyanın əsası Almaniyada qoyulmuşdur.

Aztibb.az Biloloji Təbabət Klinikasının məlumatı əsasında nevral terapiyanın məqsəd və üsulları haqqında yazır.

Nevral terapiya yeni bir inyeksiya texnikası deyil. Nevral terapiya avtonom sinir sisteminə təsir edən ənənəvi üsullar içərisində özünəməxsus yer tutur. Bu metodun təsir mexanizmini rus akademiki İvan Pavlovun işlərində görmək olur. Nevral terapiyanın elmi əsası sadə neyrofizioloji əlaqələrə köklənir. Travma və xəstəliklər vegetativ sinir sisteminin davamlı dəyişikliyinə səbəb olur. Bu sistem bir çox mübadilə, immunoloji, həzm, hormonal və s. funksiyaları tənzimləyir.

Müalicə olunmamış emosional zədə yaxud konflikt “limbik sistem - hipotalamus “ oxu vasitəsilə vegetativ sinir sisteminə təsir edir. Prokainin patoloji impulsun başlanğıc götürdüyü yerə dəqiq inyeksiyası pozulmuş balansın bərpasına və tez sağalmağa gətirir. Bu, inyeksiya nahiyəsi sinir düyünü, çapıq yaxud vena nahiyəsi ola bilər.

Nevral terapiya elmi əsaslandırılmış müalicə sistemidir. Nevral terapiya digər yanaşmaların uğursuz nəticələndiyi yerdə kömək edən əsas müalicə metodudur. Çox zaman terapevtik effekt elə güclü və gözlənilməz olur ki, onu “ildırımsürətli reaksiya” yaxud “Xuneke fenomeni“ adlandırırlar.

Bu terapiya təhlükəsiz, az invaziv metoddur. Müxtəlif xəstəliklərdə, müxtəlif distiplinlərdə istifadə olunur:

- otorinolarinqologiyada,
- oftalmologiyada,
- ginekologiya,
- pediatriya,
- psixiatriya,
- daxili orqan xəstəlikləri,
- terapiyada ağrı sindromu müalicəsində tətbiq edilir.