Məşhur teleaparıcı, həkim Aleksandr Myasnikov koronavirusun yeni ştamı ilə bağlı nələrin gözləndiyini izah edib.

Aztibb.az sm.news-a istinadən xəbər verir ki, həkim müsahibəsində yeni epidemioloji mövsümün xüsusiyyətlərini açıqlayıb və yeni koronavirus epidemiyasından nəyin gözləndiyini bildirib.

Koronavirusa yoluxma halları son həftələrdə kəskin artmaqdadır. Onun sözlərinə görə, bu gün koronavirus digər kəskin respirator virus infeksiyalarına oxşar simptomlarla adi mövsümi xəstəliyə çevrildiyi üçün yenidən məhdudlaşdırıcı tədbirlərin tətbiq edilməsinin mənası yoxdur.

Bu gün epidemioloqlar B.2.86 adlı yeni ştamı qeydə alırlar. Və bu günə qədər adi kəskin respirator xəstəliklərlə eyni təzahürlərə malikdir. Hər kəs bilməlidir ki, mövcud peyvəndlər yeni ştamdan qorumur və həqiqətən təsirli antiviral dərmanlar da yoxdur.

Həkimin fikrincə, istənilən virus risk qrupları üçün təhlükə yaradır. Buna görə də, fəsadların inkişafının qarşısını almaq üçün mütəmadi həkim məsləhətlərinin təbliğinə diqqət yetirilməlidir.