Payız bir çox insanın yüngül soyuqdəymə tuta biləcəyi fəsildir. Ancaq ehtiyatlı olmağınız lazım olan daha təhlükəli xəstəliklər var.

Aztibb.az “Planet Today” nəşrinə istinadən xəbər verir ki, mütəxəssislər böyrəklərə təsir edən təhlükəli virus barədə xəbərdarlıq ediblər.

Söhbət böyrək sindromlu hemorragik qızdırmadan gedir. Bu xəstəliyə yoluxma hallarının çox olmamasına baxmayaraq, profilaktika qaydalarına əməl edilməlidir, çünki xəstəlik çox vaxt ölümcül ola bilər.

Xəstəliyin qarşısının alınmasının əsas qaydası təmizlikdir. Bundan əlavə, xəstəliyin əsas daşıyıcıları siçovullar və siçanlar olduğundan gəmiricilərə qarşı mövcud olan istənilən vasitə ilə mübarizə aparılmalıdır. Əlbəttə ki, şəxsi gigiyena məhsulları haqqında unutmayın.