Biotənzimləyici terapiya bioloji təbabətin müalicə üsullarından biridir. Bu terapiya homotoksikologiya elminə əsaslanan və müvafiq olaraq homotoksinlər tərəfindən törədilmiş patologiyanın aradan qaldırılmasına yönələn müali-cədir. İnsan orqanizminə göstərdiyi təsirə görə bu müalicə biotənzimləyici terapiya adını alıb.

Aztibb.az-a Biloloji Təbabət Klinikasının məlumatı əsasında biotənzimləyici terapiyanın məqsəd və üsulları haqqında yazır.

Xəstəliyin profilaktikası orqanizmin intoksikasiyasının qarşısının alınması, orqanizmin özünütənzimləmə qabiliyyətinin dəstəklənməsi, eləcə də sağlamlıq və əhval-ruhiyyənin yaxşılaşmasında əssaslı rol oynayır.

Xəstəli̇kləri̇n müali̇cəsi zamanı bu metodlar tətbiq edilir:

- Dezintoksikasiya
- Drenaj orqanlarının aktivləşdirilməsi
- İmmunomodulyasiya
- Hüceyrə və humoral immunitetin tənzimlənməsi
- Regenerasiya
- Zədələnmiş hüceyrə və orqanın bərpası və funksiyasının aktivləşdirilməsi

Biotənzimləyici terapiya xüsusi preparatlarla həyata keçirilir ki, bu preparatlar xroniki xəstəliklərin yaran¬masında əsas patogenetik zəncir olan - hüceyrəxarici matriks səviyyəsində təsir edirlər. Hüceyrəxarici matriksin homotoksinlərdən təmizlənməsi preparatların drenaj təsiri hesabına baş verir. Sonradan immunomodulyasiyaedici və bərpaedici təsirə malik olan preparatlarla bütöv orqanizm səviyyəsində özünütənzimləmə prosesləri (psixo-neyro-endokrin – immun sistemin vasitəsilə) bərpa olunur. Beləliklə, istifadə olunan preparatlar müalicənin bütün mərhələlərinə tənzimləyici təsir göstərir.

İstifadə olunan preparatların çoxkomponentliyi və çoxməqsədliliyi sayəsində bu və ya digər xəstəliyin müalicəsinə patogenetik cəhətdən yanaşılır. Başqa sözlə desək, istifadə olunan biotənzimləyici preparatlarla müalicə orqanizmin əsas tənzimləyici sistemlərini əhatə edən patogenetik müalicədir.