Tibbdə beynəlxalq standartın məqsədi davamlı tibbi qayğıya nail olmaq üçün ümumi anlayışları müəyyən etməkdən ibarətdir. Davamlı tibbi qayğı səhiyyədə keyfiyyət və təhlükəsizliyin mühüm aspektidir və semantik qarşılıqlı əlaqə davamlı tibbi qayğı üçün əsas şərtdir. Bunlar üçün tələb olunan anlayışlar səhiyyə xidmətlərinin məzmununu və kontekstini əks etdirməlidir.

Aztibb.az səhiyyə xidmətlərinin təmin edilməsində beynəxlxalq standartların əhəmiyyətindən bəhs edən yazını təqdim edir.

Davamlı tibbi qayğı anlayışlarının tamamlanması üçün idarəetmə, resursların idarə olunması və inzibati idarəetmə üçün müvafiq əsasların olması da lazımdır. Bu Beynəlxalq Standartda müəyyən edilmiş davamlı tibbi qayğı üzrə anlayışlar sistemi kliniki proses diqqət mərkəzində tutulmaqla, kliniki perspektivə əsaslanır. Klinik proseslər bir növ tibbi qayğının subyekti ilə səhiyyə mütəxəssisləri arasındakı qarşılıqlı əlaqəni əks etdirirlər. Kliniki proses tibbi qayğı subyekti perspektivindən davamlılığı təmin edir. Həmçinin, bu anlayışlar sistemində səhiyyə xidmətlərinin bütün növləri, xüsusən də, pasiyentə yönəlmiş davamlı tibbi qayğı ilə əlaqədar anlayışlar və onları təsvir edən terminlər müəyyən edilir.

Tibbi beynəlxalq standartın ümumi məqsədi səhiyyə xidmətlərinin məzmunu və konteksti üçün hərtərəfli konseptual əsas yaratmaqdan ibarətdir. Bu standart səhiyyə təşkilatlarının bütün səviyyələrində qarşılıqlı əlaqə üçün, eləcə də, səhiyyədə informasiya sistemlərinin inkişaf etdirilməsi üçün əsas rol oynayır.

Səhiyyədə əsas məsələ tibbi qayğının subyektləri ilə səhiyyə işçiləri arasındakı qarşılıqlı münasibətdən ibarətdir. Bu qarşılıqlı münasibət səhiyyədə və kliniki proseslərdə meydana gəlir və bu beynəlxalq standartın proses yanaşmasını əsaslandırır. Həm kliniki məzmunu, həm də kliniki konteksti əks etdirə bilmək üçün, bu Beynəlxalq Standart kliniki perspektivə əsaslanır və burada davamlı tibbi qayğıya nail olmaq məqsədilə kliniki proses əsas diqqət mərkəzində saxlanılır.

Beynəlxalq Standartın nəzərdə tutulan istifadəçiləri Səhiyyədə qarşılıqlı münasibətlərdə maraqlı olan bütün tərəflər səhiyyə informasiya standartının nəzərdə tutulan istifadəçiləridir. Buraya səhiyyə işçiləri və heyətləri, tibbi qayğının subyektləri, səhiyyə üzrə rəhbər şəxslər, səhiyyə üzrə maliyyə təşkilatları, eləcə də, səhiyyə xidmətlərinin bütün təminatçıları və icma qayğı komandaları daxildir. Bu anlayışlar sistemi bütün səhiyyə məlumatlarına, həmçinin səhiyyə informasiya sistemlərinin işlənib hazırlanmasına və istifadəsinə şamil olunur. Sistem təşkilati qərarların əsası kimi biznes analizi üçün, eləcə də, informasiya sistemlərinin istifadəsi ilə əlaqəli olmayan proseslərdə istifadə oluna bilər.