Aparılan tədqiqatının son təhlili uzunmüddətli gündəlik aspirin istifadəsinin anemiya riskini 20% artırdığını göstərib. Söhbət əsasən 70 yaşdan yuxarı insanlardan gedir.

Aztibb.az xəbər verir ki, bu barədə “SciTechDaily” portalı məlumat yayıb.

Tədqiqatçılar aşağı dozada aspirin qəbul edən yaşlı insanlarda müntəzəm olaraq anemiyaya nəzarət etməyi tövsiyə ediblər. Bundan əlavə, belə xəstələrə hər hansı bir sağlamlıq problemi və ya dərmanla bağlı həkimə müraciət etmək tövsiyə olunub.

Monaş Universiteti tərəfindən aparılan və “Annals of Internal Medicine” jurnalında dərc edilən araşdırmada Avstraliya və ABŞ-da ilkin olaraq sağlam olan 18 153 yaşlı insan iştirak edib.

Tədqiqatçılar müəyyən ediblər ki, aspirin qəbul edən qrupda anemiya riski plasebo ilə müqayisədə 20% daha yüksəkdir. Orta hesabla 4,7 il ərzində anemiya halları qeydə alınıb.