Sürix Universitetinin alimləri bir qrup kişidən reproduktiv yaşda olan 28 qadının bədən qoxularını qiymətləndirməyi xahiş ediblər. Ən yüksək estrogen səviyyəsinə malik qadınların buraxdığı qoxu bütün kişilər tərəfindən ən xoşagələn qoxu olaraq qiymətləndirilib.

Aztibb.az cnnturk.com-a istinadən xəbər verir ki, qadın xəstəlikləri mütəxəssisi Betül Görgen Sürix Universitetində aparılan maraqlı araşdırmanın təfərrüatları ilə bağlı bu məlumatları verib: “Nəticələr göstərdi ki, bütün kişilərin ən cazibədar gördükləri qadınlar ən çox estradiol (hormon) olan qadınlardır.

Estrogen xüsusilə yetkinlik dövründən sonra çox vacib bir hormondur. "Bu, həm menstrual dövrünün, həm də yumurtanın yetişməsinin, həmçinin yumurtlama funksiyasının əsas hormonudur.

Bu hormon qadının uşaq dünyaya gətirmə imkanının göstəricisidir" və iştirakçı kişilər bu qoxuya qarşı həssas olublar. Estrogen səviyyəsi yüksək olan qadınların qoxuları kişilər üçün daha cəlbedicidir. Kişilər qoxu vasitəsilə qadınların reproduktiv potensialını anlaya bilirlər.

Tədqiqatın bütün nəticələri Milanda keçirilən 50-ci Psixonyroendokrinologiya konfransında təqdim olunub.