Dr. Səbahattin Çelik və 6 nəfərlik elmi araşdırma qrupunun 2 ildir üzərində çalışdığı süni intellekt tətbiqi ilə tez-tez görülən qida borusu xərçənginin müəyyən edilməsi saniyələr ərzində mümkün olur.

Aztibb.az haberturk.com-a istinadən xəbər verir ki, normal olaraq tomoqrafiya görüntüləri adətən bir rentgenoloq tərəfindən şərh edilir. Lakin bu yeni tətbiq şişi müəyyən edərək, hətta mərhələsini yaxın dəqiqliklə bildirir.

50 xəstənin nəticələri üzərində aparılan araşdırmada 'T' mərhələ süni intellekt alqoritmi təxminən 90 faiz dəqiqliklə proqnozlaşdırıb.

Yeni tətbiq imkan verir ki, qida borusu xərçəngi xəstələrində xəstəliyi izləmək üçün rutin tomoqrafiya edilsin. Bu tomoqrafiyadan sonra şişin birinci, ikinci, yəni hansı mərhələdə olduğu, sonra isə ölçüsü təyin edilsin.

Araşdırma təxminən 2 ildir davam edir.