Ana 13 yaşlı övladına böyrəyini bağışladı
09.09.2023 11:31

13 yaşlı Vilayət anadangəlmə vezikoüreteral reflü (sidik axarı reflyuksu), yəni sidik kisəsindəki sidiyin geriyə, böyrəyə tərəf qayıtması xəstəliyindən əziyyət çəkirdi. Nəticədə xəstədə sidik axarı reflyuksu sidik kisəsindəki bakteriyaların böyrəyə, yəni yuxarı çıxmasına səbəb olurdu.

 

Aztibb.az xəbər verir ki, bu barədə Səhiyyə Nazirliyinin mütəxəssis-eksperti, Mərkəzi Gömrük Hospitalının Cərrahiyyə və orqan transplantasiyası şöbəsinin rəisi, cərrah transplantoloq, t.ü.f.d. Mircəlal Kazımi özünün feysbuk səhifəsində paylaşım edib.

 

Həkim bildirib ki, bu halda böyrəkdə yapışan bakteriyalar çoxalaraq böyrəyin infeksiyasına səbəb ola bilər: "Tibbdə buna pielonefrit deyilir. İnfeksiyalar tədricən böyrəklərdə qalıcı zədəyə, yaralara səbəb olur. Bu da gələcəkdə böyrək çatışmazlığına qədər gətirib çıxarır".


Onun sözlərinə görə, xəstənin dəfələrcə antibiotik müalicəsi, hətta xəstəliyi önləmək üçün botoks müalicəsi almasına baxmayaraq, xəstəlik irəliləyib və xroniki böyrək yetməzliyinə səbəb olub. Vəziyyəti dəyərləndirən həkimlər ananı donor kimi hazırlayaraq, Vilayət üçün müvafiq müalicə tədbirləri görüblər. Eyni seansda iki tərəfli böyrəklər xaric olunub, ananın hədiyyə etdiyi böyrək oğluna transplantasiya edilib.

 

Cərrah transplantoloq Mircəlal Kazımi əməyi olan hər kəsə, xüsusən də hazırlıq müddətində infeksiya ilə mübarizədə uroloji müdaxilələr edərək yardımçı olan uşaq cərrahı, uzman uroloq Vüsal Cəfərova təşəkkür edib.

ÇOX OXUNANLAR
Elmi-Tədqiqat Kardiologiya İnstitutunun həkim briqadası tərəfindən Laçında kardioloji müayinələr keçirilib
Diaqnoz Tibb Mərkəzinin şöbə müdiri 
     Yeni Klinikada direktor müavini vəzifəsinə yeni təyinat           
“Xəstəxanadaxili infeksiyaların idarə olunması: Sepsis və antibiotikterapiya” mövzusunda beynəlxalq konfrans keçiriləcək
Tovuz rayonundan olan şəhid, qazi və aztəminatlı ailələr üçün tibbi aksiya
Azərbaycanda bir nəfərdə
 Nobel mükafatçısı Əziz Sancar Azərbaycan Tibb Universitetində mühazirə oxuyub   
 Elmi-praktik seminar: “Qalxanabənzər vəzin follikulyar düyünlərinin diaqnostika və müalicəsinə müasir yanaşma”    
Ürək-damar xəstəlikləri ilə mübarizə aparmağın yolları
Süni intellekt və tibbi transhumanizm: Diaqnoz, müalicə və proqnozlaşdırma sahəsində irəliləyişlər
Ürək döyüntülərinə nə səbəb olur?
Lənkəran Rayon Mərkəzi Xəstəxanasının gənc qastroenteroloqu - Köçəri Köçərli
Mircəlal Kazımi:
Səhiyyə Nazirliyi və TƏBİB-in birgə məlumatı: Daha iki nəfər qarayara xəstəliyinə yoluxub 
Qəfləti baş verən ölümlərin əksəriyyəti tromblarla əlaqələndirilir