Payızda qripə tutulma halları artdığından, yoluxma baş verdikdə çox vaxt səhv müalicəyə yönəldilirik. Məlumdur ki, müalicədəki bəzi səhvlər fəsadlar yarada bilər.

Aztibb.az "Podmoskovye seqodnya" portalına istinadən xəbər verir ki, terapevt Mariya Belyayeva qrip xəstələrinə bəzi məsləhətlərini verib.

“Həkim resepti olmadan antibiotik qəbul etməyin. Qrip virus xəstəliyidir və antibiotiklər də bakteriyalarla mübarizə aparır. Bu, bədən üçün lazımsız bir yükdür ", - deyə terapevt izah edib.

Həkim qeyd edib ki, zaman keçdikcə antibiotiklərdən tez-tez istifadə olunduğu üçün belə dərmanlarla müalicə öz effektini itirir.

“Spirt içməyin və “fast food”dan uzaq durun: bu qidalar orqanizmdə su balansına mane olur. Fakt budur ki, qriplə çox miqdarda su itiririk və alkoqol və yağlı qidalar vəziyyətimizi yalnız ağırlaşdırır”, - deyə ekspert vurğulayıb.

Onun sözlərinə görə, C vitamini ilə zəngin qidalar, meyvə-tərəvəz yemək lazımdır. Bunlara yerkökü, balqabaq, ispanaq, yaşıl soğan, alma, üzüm və itburnu daxildir.

“Həmçinin sizə çox zərurət olmadıqca ictimai yerlərə getməməyi məsləhət görürəm. Bu, xüsusilə xəstəliyin ilk üç-dörd günündə virusun yayılmasına səbəb olur", - deyə həkim əlavə edib.