Peyroni xəstəliyi dedikdə cinsi orqanın əyilməsi ilə xarakterizə olunan xəstəlik başa düşülür. Əyilmənin dərəcəsindən asılı olaraq ağrılı ereksiya da xarakter əlamətlərdəndir. Məhz bu ağrı normal cinsi əlaqəni mümkünsüz edir.
Aztibb.az xəbər verir ki, uroloq-androloq Ziyad Əliyevin bildirdiyinə görə, xəstəliyin adı bu xəstəliklə ilk dəfə qarşılaşan və onun müalicəsi ilə ciddi məşğul olan fransız cərrah Fransua Peyroni ilə bağlıdır. Peyroni xəstəliyi cinsi orqanın xəstəliyidir və ona görə də yalnız kişilərdə rast gəlinir.
Həkim qeyd edib ki, xəstəliyin üç əsas əlaməti vardır. Cinsi orqanda ağrı, əyilmə və cinsi zəiflik. Adətən əvvəlcə ağrı yaranır və ereksiya epizodlarında daha nəzərəçarpan olur. Daha sonra cinsi orqanda əyilmə yaranır. Əyilmə başlanğıc mərhələdə cinsi əlaqəyə ciddi məhtudiyyət yaradmır. Əyilmə artdıqca ereksiya daha ağrılı olur. Hətta o yerə gətirir ki, insan cinsi əlaqədə olmaqdan imtina edir.
Təcrübəli həkim uroloq yaxud androloq üçün Peyronini aşkarlamaq bir o qədər də çətin deyildir. Əgər cinsi orqanda deformasiya ciddidirsə cərrahi müdaxiləyə önəm verilir. Peyroni xəstəliynin müalicəsində müxtəlf əməliyyat modifikasiyaları mövcuddur.