Mərkəzi Gömrük Hospitalında müayinələrdən keçən Dövlət Gömrük Komitəsi Azərterminalkompleks Birliyinin Kadrlar şöbəsinin rəis müavini Rövşən İbrahimov Hospitala təşəkkür məktubu ünvanlayıb.
Aztibb.az Hospitala istinadla həmin məktubu təqdim edir:
"Son zamanlar qrip simptomlu xəstəliklərin çoxalması məndən də yan keçmədi. Özümdə qrip xəstəliyinin əlamətlərini hiss edən kimi müayinə üçün Mərkəzi Gömrük Hospitalına gəldim. Qeydiyyat şöbəsindən başlayaraq tibbi xidmət keçdiyim bütün heyətdə yüksək peşəkarlıq və operativlik gördüm.
Məni terapevt Xumar Novruzova müayinə etdi, lazım olan bütün tibbi prosedurlardan keçmək üçün göndəriş verdi. Mən çox qısa müddətdə laborator testləri, qan analizini verdim.
Göstərdikləri peşəkar xidmətdən hədsiz dərəcədə razı qaldım. Hər yerdə yüksək keyfiyyətli xidmət göstərildi.
Mərkəzi Gömrük Hospitalının baş həkimi Bəxtiyar Musayevə, terapevt Xumar Novruzovaya, Laboratoriya şöbəsinin tibb bacısı Xırdaxanım Abbasovaya təşəkkür edirəm".