Bir çox həkimlər koronavirus pandemiyasının qayıdışından danışır. Payız havasının gəlməsi ilə tənəffüs orqanlarının xəstəlikləri daha çox olur, xroniki xəstəliklər kəskinləşir.

Aztibb.az actualnews.org-a istinadən xəbər verir ki, Rusiya Elmlər Akademiyasının akademiki Gennadi Onişenkonun sözlərinə görə, hazırda bunu təsdiqləyən elmi məlumat yoxdur.

Akademik kəskin respirator infeksiyalara yoluxma hallarında hər il təbii payız-qış artımının müşahidə olunduğunu deyib.

Onun sözlərinə görə, xəstələnmə nisbətinin nə qədər artacağı tamamilə insanlardan asılıdır.

O, maska taxmağın və tələb olunan temperaturun saxlanmasının vacibliyini xatırladıb.

Alim həmçinin qeyd edib ki, insident dərəcəsi vəziyyətin vaxtında monitorinqindən və onun dayandırılması üçün effektiv tədbirlərin görülməsindən asılı olacaq.