Hamiləlik dönəmində baş verən dəyişikliklərdən biri də ayaqlarda krampların yaranmasıdır.

Aztibb.az xəbər verir ki, mütəxəssislərin bildirdiyinə görə, kramp əzələlərin bir neçə saniyədən, bir neçə dəqiqəyə qədər şiddətli sancmasıdır.

Orqanizmin susuz qalması krampların meydana gəlməsinin önəmli səbəblərindən biridir. Çünki əzələlərimizin təxminən 75 %-i sudan ibarətdir və sağlam bir şəkildə rahatlanması üçün suya ehtiyacı var.

Mütəxəssislər buna qarşı gəzinti və məşqi faydalı bilir. Rahat ayaqqabılara üstünlük verilməli, topuqlu ayaqqabılardan uzaq durmalı.

Əzələlərinizə artıq çəkinin təsiri ilə də krampların yaranma ehtimalı yüksəkdir.

On görə kalsium və maqnezium baxımından zəngin qidalara - balqabaq tumu, küncüt, ispanaq və skumbriya balığına üstünlük verilməlidir.

Bundan əlavə, kramp ağrılarını yüngülləşdirmək üçün masaj, soyuq və isti kompreslər tətbiq oluna bilər.