Sinir götürüldükdən bir müddət sonra dişlər rəngini dəyişməyə başlayır, sarımtıl və ya bozumtul olur ki, bu da digər dişlərdən seçilir və estetik problem yaradır.

Aztibb.az xəbər verir ki, stomatoloq Vladimir Yeşidorjiyev “FederalPress”ə müsahibəsində bunun niyə baş verdiyini və problemin necə həll oluna biləcəyini deyib.

“Sinir çıxarıldıqdan sonra dişlərin rənginin dəyişməsi, lazımi qidalanmanı dayandırması və əslində depulpasiya prosesində ölməyə başlaması ilə izah olunur. Bu, dişlərin parlaqlığını itirməsinə və zamanla bozumtul və ya sarı rənglərin yaranmasına səbəb olur”, - deyə həkim bildirib.

Qeyd edib ki, bu cür dəyişikliklərin digər mümkün səbəbi diş kanallarını təmizləyərkən istifadə olunan materiallar və ya həkimin səriştəsizliyi ola bilər. Sinir toxumasının qalıqları çürüyə və dişə tünd və ya bozumtul rəng verə bilər. Bundan əlavə, müalicədə istifadə edilən bəzi pastalarda dişin bütün strukturuna tədricən yayılan, rənginə təsir edən çalarlar ola bilər.

Stomatoloq vurğulayıb ki, konkret dizaynın seçimi təcrübəli protez həkiminə həvalə edilməlidir, o, indi və gələcəkdə dişin zədələnmə dərəcəsini qiymətləndirməyi bacarır.