Çinin Fudan Universitetinin alimləri sübut ediblər ki, beyin neyronlarında əsas ion kanalının fəaliyyətinin itirilməsi Alzheimer xəstəliyi üçün spesifik zəhərli amiloid zülalının yığılmasına kömək edir.

Aztibb.az xəbər verir ki, bu barədə lenta.ru məlumat yayıb. Qeyd edilib ki, kanalın funksiyasını gücləndirməklə bioloqlar siçanların beyinlərində amiloidlərin miqdarının azalmasına nail olublar. Araşdırmanın nəticələri “Science Signaling” jurnalında dərc olunub.

Məlumdur ki, Alzheimer xəstəliyində beta-amiloid zülalı toplanır, neyronlar arasında lövhələr əmələ gətirir, onların fəaliyyətini pozur. Beta-amiloidin yüksək səviyyələri neyron membranında xüsusi məsamə ion kanalı TRPM7-nin pozulması ilə əlaqələndirilir ki, bu da ikivalentli Zn, Mg və Ca kationlarının hüceyrəyə daxil olmasına imkan verir. Məhz bu kanal fosfat qruplarının ATP molekullarından daşınmasını kataliz edən və onun fəaliyyətinə enerji dəstəyi verən kinaz fermentinin fəaliyyətini əks etdirir.