Yapon alimləri belə qənaətə gəliblər ki, II-ci tip şəkərli diabeti bakteriyalarla müalicə etmək olar.

Aztibb.az “Nature” jurnalında dərc olunan məqaləyə istinadən xəbər verir ki, insulin müqavimətini bağırsaq bakteriyalarının müəyyən növlərinin köməyi ilə yaxşılaşdırmaq olar.

Tədqiqatın müəllifləri 300-dən çox böyüklərin mikrobiom nümunələrindən bakteriyaları tədqiq edərək müəyyən ediblər ki, yüksək insulin müqaviməti bağırsaqda karbohidratların, xüsusilə monosaxaridlərin çoxluğu ilə bağlıdır.

Sonunculara qlükoza, qalaktoza, fruktoza və mannoz daxildir. Bundan sonra mütəxəssislər məlumatları müqayisə edib və məlum olub ki, insulin müqaviməti yüksək olan insanların bağırsaqlarında Lachnospiraceae dəstəsindən bakteriyalar var. Bu dəstədən olan mikrobiomlarda isə monosaxaridlər çoxdur.