Amerikalı alimlər müəyyən ediblər ki, hil sağlamlığa müsbət təsir edir və çəki azaltmağa kömək edir.

Aztibb.az "Podmoskovye seqodnya" nəşrinə istinadən xəbər verir ki, dietoloq Anastasiya Kondaurova hesab edir ki, hil hətta ətlə birləşdirildikdə, həmçinin qəhvəyə əlavə edilərsə, həqiqətən arıqlamağa kömək edir.

Mütəxəssis başqa ədviyyatların da sürətli arıqlamağa kömək etdiyini söyləyib.

“Hildən əlavə zəncəfil, sarıkök, darçın və sarımsaq arıqlamağa kömək edəcək. Onların hamısı maddələr mübadiləsini sürətləndirir və bədənə daha çox yağ yandırmağa kömək edir", - deyə diyetoloq bildirib.

Onun sözlərinə görə, sarıkök bu siyahıdan xüsusilə seçilir. Yalnız arıqlamağa kömək etmir, həm də antioksidant və iltihab əleyhinə xüsusiyyətlərə görə sağlamlığa faydalı təsir göstərir.

“Mən həmçinin çili bibəri və qreypfrutun birləşməsini tövsiyə edə bilərəm. Bibər maddələr mübadiləsini sürətləndirir və qreypfrutda bədəndən artıq mayeni çıxaran meyvə turşuları var", - deyə ekspert qeyd edib.

Ekspert onu da vurğulayıb ki, xroniki xəstəlikləri olan insanlar qida rasionunu yeniləməzdən əvvəl mütəxəssislə məsləhətləşməlidirlər. Bu, xüsusilə mədə-bağırsaq traktında problemləri olanlar üçün doğrudur.