Ən ləzzətli qidalar ən çox insan orqanizmi üçün zərərlidir. Bununla belə, diyetoloq-psixoloq Anastasiya Kondaurovanın dediyi kimi, çiy hisə verilmiş kolbasa ilə bağlı vəziyyət müstəsnadır.
Aztibb.az "Podmoskovye seqodnya" onlayn nəşrinə istinadən xəbər verir ki, onun sözlərinə görə, bu məhsulun müsbət xüsusiyyətlərindən biri onun yüksək protein tərkibidir.
“Kolbasa ətdən ibarətdir. Heyvan mənşəlidir, yəni onun tərkibində bir sıra vacib amin turşuları var. Protein orqanizm üçün vacib qidadır, toxumaların böyüməsi və bərpası, sağlam əzələlərin və immunitet sisteminin qorunması üçün lazımdır", - deyə mütəxəssis müsahibəsində izah edib.
O, qeyd edib ki, çiy hisə verilmiş kolbasa nadir hallarda istifadə olunarsa, o, yenə də qida rasionunda qiymətli zülal mənbəyi ola bilər.