Qəhvənin müntəzəm istifadəsi asılılıq yarada bilər. Bununla birlikdə, sağlam bir insan üçün təhlükəsiz gündəlik kofeinin dozası yalnız 250-300 mq-dır.

Aztibb.az life.ru-ya istinadən xəbər verir ki, həkim Aleksandr Umov qəhvədən çox istifadənin fəsadlarından danışıb.

Onun sözlərinə görə, qəhvənin həddindən artıq istehlakı diurezi artırır ki, bu da susuzluğa, kalsium və maqnezium itkisinə səbəb olur. Bu, ürək-damar və sinir sistemlərinə mənfi təsir göstərir.

Həkim qeyd edib ki, pis qəhvədə xolesterin və aşağı sıxlıqlı lipoproteinlərin artmasına səbəb olan, damarların ateroskleroz riskini artıran əlavələrin olması istisna edilmir.

Onun fikrincə, qəhvənin uzun müddət və daimi istifadəsi ilə ayaqlarda şişkinlik də mümkündür.