Kuşinq xəstəliyi adrenokortikotrop (ACTH) hormonun ifrazının artması ilə nəticələnən hipofiz şişləridir. Bu şişlər adətən xoşxassəlidir və mikroadenomalardır.

Aztibb.az xəbər verir ki, Bakı Neyrocərrahiyyə Mərkəzinin mütəxəssislərinin bildirdiyinə görə, şişlərin hətta bəzən ölçüləri MRT müayinəsində görünməyəcək qədər kiçik olur.

Qeyd olunurki, bu şişlərin müalicəsi üçün endoskopik adenomektomiya ən çox müraciət edilən cərrahi üsullardan biridir. Əməliyyat zamanı ümumi anesteziya altında burun dəliyindən daxil olaraq kəllə əsasında kiçik bir pəncərə açılır və endoskop vasitəsi ilə bu adenomalar çıxarılır.

Əməliyyatın nəticəsi olaraq əksər hallarda hipofiz vəzi normal funksiyalarını bərpa edir. 80-90% hallarda tamamilə sağalma müşahidə edilir.