Bakterial vaginoz cinsi aktdan sonra və ya menstruasiya zamanı yaranan balıq qoxulu ifrazatların olması ilə səciyyələnir.

Aztibb.az xəbər verir ki, mammoloq-onkoloq Cəlil Bağırovun sözlərinə görə, xəstəliyin erkən vaxtlarında ifrazatlar duru konsistensiyaya malik olmaqla ağ və boz rəngli olur.

Həkim qeyd edib ki, qadın pasiyentlərin bir qismində qaşınma, sidik ifrazının pozuntuları, yerli diskomfort müşahidə olunur. Bakterial vaginoz uzun müddət davam etdikdə, ifrazatlar sarı və ya yaşıl rəng alır, daha qatı olur, bəzən kəsmiyə bənzər şəkil alır.

"Bakterial vaginoz (qardnerelloz) zamanı ifrazatların miqdarı çox və həddindən artıq miqdarda ola bilir. Lakin qadın pasiyentlərin 25%-də bu xəstəliyin kliniki əlamətləri olmur", - deyə həkim vurğulayıb.