Bu əlamətlər insultdan bir ay əvvəlcədən də görünə bilər. Əlamətləri vaxtında müəyyənləşdirməklə həyatınızı xilas edə, xəstəliyin təsirini əhəmiyyətli dərəcədə azalda bilərsiniz.
Aztibb.az xəbər verir ki, kardioloq İlqar Tahiroğlunun sözlərinə görə, simptomlar insana görə dəyişir. Həkim insultun 15 ümumi əlamətini sadalayıb:
1. Davamlı hıçqırıq,
2. Zəiflik və huşunu itirmək,
3. Miqren və baş ağrıları,
4. Təngənəfəslik
5. Ürək döyüntüsünün sürətli olması,
6. Halüsinasiyalar,
7. Qəfil epilepsiya tutmaları,
8. Yorğunluq və zəiflik
9. Şəxsiyyət pozulması,
10. Tez-tez xəstələnmək və səhhətin pisləşməsi,
11. Bir və ya iki gözdə görmə qabiliyyətinin zəifləməsi,
12. Yüksək təzyiq,
13. Çiyinlərdə şiddətli ağrı,
14. Keyləşmə və qısa paralic,
15. Boyun əzələlərinin yumşalması.
Kardioloq sözügedən erkən insult əlamətlərinə diqqət yetirməyi tövsiyə edib: "Bu simptomlar daimidirsə, dərhal həkimə müraciət edin. İnsultun qarşısını almaq üçün ən asan yol bədənin qan dövranını yaxşılaşdırmaqdır. Bu da o deməkdir ki, sağlam qidalanmalı və məşq etməlisiniz".
"Xolesterinini artıran, emal olunmuş qidalar və fast food kimi məhsullardan qaçın. Bunlar damarları tıxayan əsas maddələrdir. Siqareti tərgidin və həddindən artıq spirtli içkilərdən qaçın. Daha az qırmızı ət yeyin və bədəniniz üçün vitaminlər, antioksidantlar və minerallarla zəngin olan faydalı meyvə və tərəvəzlərə üstünlük verin", - deyə həkim vurğulayıb.