Araşdırmalar göstərir ki, axşam yeməyinin gec saatlarda yeyilməsi, qanda şəkərin yüksəlməsinə və artıq çəkiyə yol açır.

Aztibb.az xəbər verir ki, “Healthday”in verdiyi məlumata görə, son araşdırmalar gec saatda yeyib, yuxuya getməyin artıq çəki riski daşıdığını göstərir.

Tədqiqatlar zamanı belə nəticəyə gəlinib ki, axşam yeməyini gec yedikdə qanda şəkərin miqdarı daha yüksək olur və daha az kalori yandırılır.

Erkən axşam yeməyi yeyənlərlə müqayisədə, gec axşam yeməyi yeyənlərin qanında şəkər 18% daha yüksək, yandırdıqları kalori isə 10% daha az olur.