Qalaktosele süd vəzinin möhtəviyyatı, südlü maye olan kistasıdır. Kiçik ölçülü kistalar simptomsuz gedir, ölçüləri böyüdükdə isə süd vəzində diskomfort və orqanın deformasiyası meydana çıxır.

Aztibb.az xəbər verir ki, mammoloq-onkoloq Cəlil Bağırovun sözlərinə görə, çox vaxt axarın quruluşunun anadangəlmə anomaliyaları baş verir. Bu axarın diametrinin həddən artıq kiçik olması, onların əyilməsi və ya xeyli qıvrılması kimi meydana çıxa bilər.

Eyni zamanda, laktostaz, yəni döşlə qidalanmadan imtina, qidalandırma qaydalarının pozulması (vəzilərin vaxtında sağılmaması və ya uşağın döşə düzgün qoyulmaması) halı yaşana bilər.

Bundan əlavə, süd vəzilərinin travmaları baş verə bilər. Keçmişdə süd vəzisinin əzilməsi çapıq birləşmələrin əmələ gəlməsinə və axarların stenozlaşmasına rəvac verir.

Həkim qeyd edib ki, həmçinin süd vəzilərinin iltihabı, hormonal disbalans yaşana bilər ki, bu da südün tərkibinin dəyişilməsinə gətirib çıxarır.