Böyrəyin əsas vəzifəsi bədəndəki zəhərli maddələri süzüb çıxarmasıdır. Böyrəklər müxtəlif səbəblərə görə fəaliyyət göstərə bilmədiyi halda hemodializ prosedurundan istifadə olunur.

Aztibb.az xəbər verir ki, "MediStyle Hospital" hemodializ xəstələrinin nələrə diqqət yetirmələri barədə məlumat paylaşıb.

Hemodializ üsulu ilə xəstənin qanı damar yolu ilə bədəndən çıxarılır, filtrdən keçirilən qan, maye və həll olunan maddənin tərkibi tənzimləndikdən sonra xəstəyə geri verilir. Bu prosedur insanın böyrəklərinin fəaliyyətini əvəz edir.

- Belə xəstələr proseduru qaçırmamalıdırlar;
- Qidalarında duz qəbulu həkim tərəfindən təyin olunmalıdır;
- Xüsusi pəhrizə riayət etmək lazımdır;
- Normal çəki qorunmalıdır;
- Hər gün idman vacibdir;
- Alkoqol və siqaretdən uzaq durmalı;