Prolaktin hormonu beynin hipofiz adlanan hissəsi tərəfindən ifraz olunur. Əsas vəzifəsi hamilə və süd verən qadınlarda süd istehsalını başlamaq və davam etdirməkdir.

Aztibb.az N1 Laboratoriyasının məlumatına istinadən xəbər verir ki, prolaktinin yüksəlməsinin aşağıdakı səbəbləri var:

- Hamiləlikdə,
- Hipofiz toxumanın adenoma deyilən şişlərində,
- Qalxanabənzər hormonun pozğunluqlarında,
- Esterogen hormonunun yüksəlmələrində,
- Menstruasiya nizamsızlıqları zamanı,
- Döş ucu axıntısı

Kişilərin və hamilə olmayan qadınların qanlarındakı prolaktin səviyyəsi normal şərtlərdə çox aşağıdır. Prolaktinin yüksək olması çox zaman sonsuzluqla əlaqəli olur.

Prolaktin hormonunun aşağı olması, yüksəkliyinə nisbətən çox nadir görülən bir vəziyyətdir. 2 ng/ml altındakı bir çox xəstədə hipofiz vəzinin funksiyanal pozğunluğu səbəbilə ortaya çıxır.

Prolaktin testi aşağıdakı xəstəliklər zamanı aparılır:

- Qadında və kişidə sonsuzluq varsa,
- Hamilə olmayan və ya əmizdirməyən qadınlarda süd ifrazatı olarsa,
- Kişidə cinsi istəksizlik varsa,
- Qadında menstruasiya pozulması varsa prolaktin testi olunur.