“ESC Konqresi 2023”də təqdim edilən araşdırmaya görə, uşaqlıq dövründə saatlarla hərəkətsizlik yuxarı yaşlarda infarkt və insult üçün zəmin yarada bilər.

Aztibb.az “Planet Today” nəşrinə istinadən xəbər verir ki, tədqiqatın nəticələrinə görə, uşaqlıqdan yeniyetməlik dövrünə qədər yığılmış oturaq həyat tərzi ürəyin zədələnməsi ilə əlaqələndirilir. Bu hətta normal çəkisi və təzyiqi olan insanlarda da aiddir.

Gənclərin smartfon asılılığı ürəyin fəaliyyətinin daha ağır olmasına gətirib çıxarır ki, bu da bildiyimiz kimi, infarkt və insult ehtimalını artırır.

Alimlər xəbərdarlıq edirlər ki, belə asılılıq psixoloji sağlamlığa da ciddi zərər vura bilər. Smart ekran qarşısında fasiləsiz vaxt keçirmək yeniyetmələrdə stres və depressiv pozuntular əmələ gətirir, yuxusuzluğa və təhsildə uğursuzluqlara səbəb olur.

Smartfonlardan kütləvi istifadənin başladığı vaxtdan etibarən yeniyetmələrdə psixi pozuntu halları da artmağa başlayıb. Odur ki, uşaqlar və yeniyetmələr uzunmüddətli sağlamlıqlarını qorumaq üçün daha çox hərəkət etməlidirlər.