Məlumdur ki, orta yaş dövündə və qocalıqda müəyyən oyunlar, eləcə də video oyunları kimi müntəzəm idrak fəaliyyəti Alzheimer xəstəliyi kimi koqnitiv tənəzzül və demansdan qoruyur.

Aztibb.az “Planet Today” nəşrinə istinadən xəbər verir ki, bu kimi fəaliyyətlərin demans riskinə təsiri ilə bağlı tədqiat aparılıb.

Araşdırmanı Yaponiyanın Sendai şəhərindəki Tohoku Universitetinin İnkişaf, Qocalma və Xərçəng İnstitutunun tədqiqatçıları həyata keçirib.

"Burada biz göstəririk ki, böyüklər üçün təhsil kurslarına qatılan insanlarda beş ildən sonra demensiyanın inkişaf riski daha azdır", - deyə tədqiqatın ilk müəllifi doktor Hikaru Takeuçi bildirib.

Tədiqatçılar təxminən yarım milyon britaniyalının genetik, sağlamlıq və tibbi məlumatlarının saxlanıldığı “British Biobank”ın məlumatlarını təhlil ediblər. Onlar 2006-2010-cu illərdə 40-69 yaşları arasında qeydiyyatdan keçmiş insanlar olub. Orta hesabla bu araşdırma zamanı onlar yeddi il izlənilib.

İdrak fəaliyyəti ilə məşğul olan iştirakçıların demans inkişaf riski, digər iştirakçılarla müqayisədə 19% daha az olub. Bu həm qafqazlılara, həm də başqa millətlərin nümayəndələrinə aiddir.