Plastik cərrah İlyana Qonçarova bildirib ki, həddindən artıq spirtli içki qəbulu rinofimaya səbəb ola bilər.

Aztibb.az news.ru-ya istinadən xəbər verir ki, bu xəstəlik burun dərisinin böyüməsi ilə nəticələnir. Həkimin sözlərinə görə, burun yaşla əlaqədar da böyüyə bilir.

“İnsanlar yaşlandıqca burun ölçüləri böyüyür, lakin bu böyümə deyil. Sadəcə olaraq, qığırdaq toxuması elastin və kollageni itirərək parçalanır. Onu zamanla uzanan köhnə sviterlə müqayisə etmək olar”, - deyə İ.Qonçarova bildirib.

Cərrah əlavə edib ki, əlavə olaraq, belə bir xəstəlik var - rinofima, ya da dəri böyüməsi. Ağır formada alkoqolizmdən əziyyət çəkənlər üçün xarakterikdir.

Həkim izah edib ki, bu xəstəlik burun üzərində dərinin böyüməsinə gətirib çıxarır ki, bu da kələ-kötür olur, burnu kartof kimi göstərir.