Öpüşmə zamanı ötürülən xəstəliklər arasında herpes, mononükleoz, hepatit B və C var.

Aztibb.az “RİAMO”ya istinadən xəbər verir ki, dermatoloq Olqa Saperovanın bildirdiyinə görə, bu xəstəliklərin bəziləri sağlamlıq üçün ciddi nəticələrə səbəb ola bilər.

Dermatoloq qeyd edib ki, bu xəstəliklərin bəziləri qaraciyər xərçəngi, qaraciyər sirrozu, immun çatışmazlığı vəziyyətləri kimi ciddi sağlamlıq fəsadlarına gətirir.

“Ona görə də əgər partnyorunuzun sağlamlığından əmin deyilsinizsə, öpüşməkdən çəkinməli və cinsi əlaqə zamanı prezervativdən istifadə etməlisiniz. Öpüşmə yolu ilə infeksiyaların ötürülməsi riskini minimuma endirmək üçün aşağıdakı gigiyena qaydalarına əməl edilməlidir: xəstə və ya ağızlarında xora və ya kəsik olan insanlarla öpüşməyin", - deyə həkim qeyd edib.

O əlavə edib ki, ağızdakı bakteriyaların miqdarını azaltmaq üçün diş fırçası və ya ülgüc kimi şəxsi əşyaları paylaşmağa, dişlərinizi və dilinizi mütəmadi olaraq fırçalamağa dəyməz.

Respirator virus xəstəlikləri və qrip epidemiyaları zamanı, hətta yaxın insanlar və qohumlarla belə öpüşmək olmaz.