Tayvanlı tədqiqatçılar müəyyən ediblər ki, yaxşı fiziki hazırlıq atrial fibrilasiya və ürək tutmaları ehtimalını azaldır.

Aztibb.az xəbər verir ki, gazeta.ru-nun məlumatına əsasən tədqiqatın nəticələri Avropa Kardiologiya Cəmiyyətinin ESC 2023 illik konqresində açıqlanıb.

Atrial fibrilasiya dünyada 40 milyondan çox insana təsir edən ən çox görülən ürək xəstəliyidir. Bu xəstəliyə tutulan xəstələrdə insult riski yaşıdlarına nisbətən beş dəfə çox olur.

Tədqiqat üçün 9 il ərzində qaçış zolağında bacarıqlarına görə seçilən 15.000-dən çox könüllü cəlb edilib. İştirakçılar atrial fibrilasiya, insult, miokard infarktı kimi xəstəlikləri izlənilib. Bu müddət ərzində 515 iştirakçı bu problemlərlə üzləşib.

Nəticələrin təhlili ilə alimlər bu qənaətinə gəliblər ki, müəyyən hədlərdə daimi fiziki fəaliyyət olduqda insult riski 12% aşağı olur.