Britaniyalı tədqiqatçılar müntəzəm və uzunmüddətli aerobik məşqlərin orqanizmin xərçəngə qarşı müdafiəsinə müsbət təsirini təsdiqləyən yeni araşdırma aparıblar.

Aztibb.az ecopravda.ru-ya istinadən xəbər verir ki, təcrübə 16-25 yaş arası könüllülərin böyük bir qrupu üzərində aparılıb.

Tədqiqat zamanı qaçan, üzən və velosiped sürən iştirakçıların ağciyər xərçəngi, qaraciyər şişləri və özofagus xərçəngi inkişaf riski əhəmiyyətli dərəcədə azalıb. Konkret olaraq, ağciyər xərçəngi riski 42%, qaraciyər şişləri 40%, qida borusu xərçəngi 39% azalıb.

Maraqlıdır ki, bu müsbət nəticələr təkcə konkret orqanlara deyil, bütövlükdə bütün orqanizmə aiddir. Tədqiqat göstərib ki, müntəzəm kardio məşqləri böyrəklər, mədə və digər bədən sistemlərinə faydalı təsir göstərir.